Деновиве почнаа работите за изградба на спортска сала за потребите на СОУ ,,Јане Сандански” со што ќе се реши деценискиот проблем на ова училиште за соодветни просторни услови за изведување настава по спорт и физичка култура. Целиот проект чини околу 258 илјади евра а парите се обезбедени од општина Струмица и училиштето. Изведувач на градежните работи според склучениот договор од декември минатата година, треба да биде скопската фирма Пирамид Билдинг Солушнс која целиот проект треба да го реализира во рок од шест месеци од воведување во работа.
,,Станува збор за доградба на самото училиште бидејки претходната сала не ги исполнуваше условите за настава по спорт и физичка култура. Со ова доградба, практично со новата сала ги задоволуваме условите за работа на професорите но и настава за учениците. Ова сала ќе биде адаптирана за одигрување и на спортски натпревари како кошарка, одбојка, мал фудбал, ракомет. Предвидени се и работни простории за професорите, соблекувални за учениците или клубовите. Целиот проект е 16 милиони денари,, кажа градоначалникот Костадин Костадинов кој најави нова сала и за ООУ ,,Сандо Масев” во Струмица
Директорката на СОУ ,,Јане Сандански” – Невенка Стојанова потенцираше дека овие денови училиштето и општината испишуваат историја бидејки се решава децениски проблем бидејки учениците наставата по спорт и физика култура ја следеа во супстандардни услови а од овој образовен центар излегоа голем број врвни спортисти
,,Деновиве Општина Струмица и СОУ ,,Јане Сандански” испишуваат историја. Се решава еден децениски горлив проблем бидејки нашите ученици наставата ја следеа во супстандардни услови иако од нашето училиште илзегуваат врвни спортисти. Проектот нема да го нагрди ликот на централното градско подрачје ниту пак едно од постоечките надворешни игралишта нема да бидат жртвувани. Во меѓувреме наставата ќе се следи во оние простории кои кои се наменети за попратни спортски активности,, кажа директорката Стојанова
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
