На 29 и 30 ноември 2022 година во Струмица беше одржан вториот состанок на претставници на проектните тимови од Регионот Централна Македонија – Грција, Универзитетот „Гоце Делчев“ – Штип и Истражувачкиот Институт на Универзитетот Македонија, Грција за имплементација на проектот „Бизнис еко систем како интегриран систем – БИ ИН“, проект кој Центарот за развој на Југоисточниот плански регион го имплементира од месец март оваа година во рамки на Интеррег ИПА Програмата за прекугранична соработка со Грција.
Целта на состанокот беше да се презенираат првичните сработени активности и резултати, активности кои треба да се завршат заклучно тековната година како и планирање и координација за спроведување на идни заеднички активности.
Се разговараше во врска со реализација на следните активности:
- Спроведување на прашалници и анкети со цел подготовка на Анализа за утврдување на моменталната состојба за квалификациите на работната сила и побарувачката на пазарот на трудот
- Организирање на студиско патување во Солун
- Давање на поддршка на МСП
- Развивање на алатки за промоција и транспарентност (социјални мрежи, е-библиотека..)
- Подготовка на финансиски извештаи
По извршената презентација од страна на сите проектни тимови следуваше дискусија за активностите кои треба да се завршат до тековната 2022 година како и за активностите кои се планирани да се реализираат следната година.
Заклучокот од состанокот беше дека поголем дел од активностите се веќе завршени и во следниот период треба да се посвети внимание за создавање и менаџирање со алатките за промоција со цел прикачување на материјали од реализираните активности и овозможување на соодветна поддршка за студенти, невработени лица, академскиот и бизнис секторот.
За време на вториот ден, претставниците на проектните тимови ги посетија канцелариите на Центарот каде се одржуваше последниот ОТВОРЕН ДЕН за презентација на 3Д опрема.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
