Жител од Струмичко Костурино го загуби животот а неговиот брат е повреден во сообраќајката што утрово се случи на патот Струмица-Валандово кај Костурино. Во несреќата учествувале автомобил „фиат” со струмички регистарски ознаки и трактор „ИМТ”, исто така, со струмички регистарски ознаки, кој влечел нерегистрирана полуприколка, управуван од Р.Ш.(40) од село Костурино.
,,На местото на настанот починал сопатникот на тракторот Г.Б. (51) од село Костурино, а смрт констатирал лекар од Медицински центар Струмица. Со телесни повреди се здобил Т.Б.(54) од село Костурино, кој бил сопатник во полуприколката. Возилото „фиат” го напуштило местото на настанот“ стои во информацијата од СВР Струмица.
Оттаму додаваат дека се преземаат мерки за пронаоѓање на возачот на возилото „фиат”. Увид на местото извршија јавен обвинител од Основно јавно обвинителство Струмица и екипа на СВР Струмица.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
