Екипата на РК Младост 1977 кој по 12 години пауза на Богданци му донесе суперлигашки ракомет, вечерва славеше победа против Тиквеш од Кавадарци. Во рамките на првото коло од суперлигашкото натпреварување од Групата Б момците на Митко Стоилов славеа со 27:25.
Домашниот состав понесен од желбата за победа, имаше контрола на играта и резултатот на мечот во спортската сала Млаз. Гостинскиот тим се обидуваше да направи резултатски пресврт но немаа сили . Со борбена игра и пожртвуваност на теренот, богданчани покажаа дека нема да бидат лесен плен на свој терен за било кој тим од својата група.
Новото засилување кај Младост Александар Лупашко со девет гола беше најефикасен во Млаз, Роглев имаше шест, додека Стоилов и Динов во листата на стрелци се запишаа по четири пати. Кај Тиквеш, Смиљаниќ имаше осум, додека Јанчев заврши со пет гола.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
