Уметничкиот директор на „Гранд продукција“, Саша Поповиќ и ги додели клучевите од автомобилот Фиат ТИПО на Славица Ангелова од Струмица, победничката на „Ѕвездата на Гранд“ за сезоната 2022/2023 објави српскиот портал Гранд
„Кога ќе се појавиш во Струмица со овој автомобил, сите ќе знаат дека си ја освоила победата на „Ѕвездите на Гранд“, и кажа Поповиќ на Славица која потврди дека има возачка дозвола и дека едвај чека да го вози автомобилот.
„Горд сум што победи и заслужено го добива овој убав автомобил. Кариерата ќе ја гради паралелно овде и во Македонија. Ќе добие песна, спот, ќе гостува во сите наши емисии. Верувам дека во Македонија има многу поголеми шанси, бидејќи таа е нивниот прв победник. Верувам дека ќе има најголемо влијание и популарност во Македонија, но секако дека ќе се обидеме да ја истуркаме и овде, и во Босна и Херцеговина и во Црна Гора“, кажа нејзиниот ментор Ѓорѓе Давид
Струмичанката Славица Ангелова победи во телевизиското музичко шоу „Ѕвездите на Гранд“ каде учествуваа вкупно 17 кандидати. Таа во последниот финален круг се соочи со Драган Ѓуриќ од Босна и освои 88 367 гласови од гледачите од Србија, Босна и Херцеговина, Црна Гора и Македонија. (М.Т.)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
