Опозициската ВМРО ДПМНЕ денеска објави дека нивни кандидати за градоначалници во општините Василево и Босилеово се Славе Андонов и Ѓорѓе Божинов. Како што нагласи на денешната прес конференција Антонијо Милошоски изборот на овие но и останатите кандидати кои беа објавени денеска, се резултат на нивните програми за мандатот, анкетите меѓу локалното население и анкетите со можните противвкандидати.
Андонов е дипломиран правник вработен во општина Василево, додека Божинов дипломиран економист кој во моментов е извршен менаџер во приватна градежна фирма. ВМРО ДПМНЕ претходно ги објави имињата на кандидатите за градоначалник во седум општини во Југоистокот а сеуште останува енигма кој ќе биде нивниот адут за општина Струмица
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
