Сите пет македонски кандидати кои имаат корени од Струмица и регионот станаа членови во Советот на Општина Ешелан во Швајцарија. На денешните Локални избори во оваа држава, како дел од листата на непартиското политичко движење „L’entente Échallens“ ти го добија потребниот број гласови и во наредните пет години години ќе бидат дел од одлучувањето во ова мала општина во Швајцарија – Ешелан.
„Ова е историски успех на Македонците во Ешелан“ беа првите коментари на македонската заедница во Швајцарија која на овие Локални избори имаше повеќе Македонци на листата за советници по општините за што пишуваше Дрнка.МК портал.
Во Советот на Општина Ешалан ќе бидат Слаѓана Спасов – Пасков која има корени од Мокрино и Иловица, Тони Стојанов од Мокриево, Дејан Златков од Секирник, Ване Јефтимов од Мокрино и Драги Митров од Струмица. Станува збор за граѓани на Ешелан кои се докажани во своите професии но и во општественото дејствување преку македонската заедница
На овие избори Македонци беа на листите за советници и во други општини во Швајцарија. Васе Јованов кој е од Сушица е кандидат за советник во Општина Шаван, Павле Велков кој е родум Босилово е кандидат за советник во Општина Екублан, Бране Трајчевски е кандидат за советник во општината Ивердон, Костадин Стојанов од Сушица кандидат за советник во Општина Белфо. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
