Фондација Елеуса заедно со Иван Кукиќ Бенд, Теодора и бенд, Хитс Трио и Ана Цамбулева организираат хуманитарен концерт посветен на младата Катерина Трајкова на која и се потребни средства за интервенција и лекување во Турција. Концертот ќе се одржи на 16 септември 2024 година со почеток во 20:30 часот при што собраните средства ќе бидат донирани за лекување на Катерина.
Катерина, девет години се бори со сколиоза, третирана со физикална терапија, шрот метод, масажи и корсети, а сега нејзиното семејство бара помош за конечно да решавање на овој проблем. Операцијата чини 27.000 евра и ќе се изведе во Истанбул, Р. Турција кај еден од најдобрите професори од таа област.
,,Затоа, сите да се вклучиме на овој голем хуманитарен настан. Билетите од 500 денари за возрасни и 300 денари за ученици и студенти можете да ги набавите во Оптика Сфера на булевар „Маршал Тито“ во Струмица,, стои во апелот на Фондацијата Елеуса.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
