Се буди свеста но ќе мора сите уште да работиме на инклузија на лицата со попреченост. Вака истакна Александар Илиев од Демократскиот институт за општествено политички анализи Струмица кој го реализираше проектот ,,Со детска игра до инклузивно општество“. Станува збор за проект со кој на Дневниот центар за едукација и рехабилитација „Едупрактика“ доби надворешно инклузивно детско игралиште и повеќе сензорни и терапевтски играчки
,,Нашито Институт забележа напредок во нашиот регион бидејки имаме центар со едукатори рехабилитатори. Важно е да се напомене дека во општина Струмица пред две години немаше Центар за дневен престој на деца со попреченост, а денес има центар со солидна опременост и персонал. Ова е голем чекор за родителите на овие деца кои имаат и можност за извршување на професионалните обврски. Овде се работи со околу 45 деца а донираната наша опрема е во функција на инклузивност“ кажа Александар Илиев
Овој проект е целосно финансиран од Бугарска помош за развој како програма на МНР на Бугарија. Проектот е реализиран во координација со „ЕдуПрактика“ и со одобрение од градоначалникот на општина Струмица, Костадин Костадинов.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
