Општинскиот комитет на ВМРО-ДПМНЕ Струмица ги отвара своите месни канцеларии во пресрет на Локалните избори, каде ќе можат струмичани да ги предочат проблемите но и да дадат решенија како до подобра Струмица. Ова го кажа Кире Синдраковски од Општинскиот изборен штаб на ВМРО ДПМНЕ Струмица истакнувајки дека канцелариите веќе работат со полн капацитет и со редица активности .
,,Ве покануваме во периодот кој следи, да бидете дел од нашата заедничка работа. Да дојдете во комитетите заедно да ги откриеме проблемите на Струмица и заедно да понудиме решенија. Струмица веќе 20 години е во рацете на СДСМ. Имаа можност да ни покажат што знаат и умеат. Ја имаа и централната власт во два мандата,, вели Синдраковски
Според него во Струмица и после 20 годишно владеење на СДСМ сеуште стојат големи проблеми заради што на следните локални избори ВМРО ДПМНЕ како што кажа Синдраковски ја превзема одговорноста Струмица да им ја врати на граѓаните
,,Но, после 20 години нашата Струмица е на листата на најзагадени градови во светот, трпи поплави на најголемите булевари и улици, има импозантни дивоградби, улици полни со кратери и слаба инфраструктура. После 20 години доверба од сограѓаните да ја поставиш Струмица во таква положба и да сметаш дека заслужувап уште еден мандат значи нескромност и дрскост. За среќа сограѓаните кои на последните избори направија пресврт во Македонија спремни се да го направат својот придонес кон промените во Струмица. На претстојните Локални избори ВМРО-ДПМНЕ ја презема одговорноста Струмица да ја врати на граѓаните.,, кажа Синдраковски
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
