Силниот ветар што ја зафати Гевгелија со брзина од над 80 километри на час предизвика сериозни штети објави Телевизија Нова на својата ФБ страна. Според пишувањето и фотографиите приложени, откорнати се повеќе дрвја на повеќе улици во Гевгелија а во прекин е и напојувањето со електрична енергија во индустриската зона Блокотехна
Како што објави ТВ Нова од Гевгелија откорнати се дрвја кај : АД Водостопанство, ПЕ „Јужен Вардар“- Гевгелија, на улицата „Маршал Тито“ спроти Градската библиотека, во дворот на ЈОУ ДГ „Сончогледи“, во пределите кај Вардарски Рид и на туристичко-рекреативната зона „Динќут“ и делови од кровот на станбената зграда до Судот и ЈОУ ДГ „Цветови“- Гевгелија.
Екипите на ЈПКД „Комуналец“- Гевгелија, по извршениот увид на местата каде што ветрот предизвика штети, веќе се на терен и интервенираат за отстранување на паднатите дрвја. Додека, тимовите на ЕВН работат на остранување на дефектот за непречено снабдување со електрична енергија.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
