Денес, ЈПКД „Турија“, Василево по налог на општина Василево го уредуваше каналот покрај главната улица во населеното место Радичево. Со механизација се отстрани наносот од каналот со што тој се враќа во првобитната состојба и се става во функција. Како што објавија од општината подолг период каналот не бил чистен поради што ја изгубил и функцијата.
,,Водата од врнежите заедно со сите наноси карактеристични за ваквите ридски населени места, наместо да се слива, канализира и насочува покрај асфалтот истата неконтролирано се излевала правејќи штета на асфалтната коловозна лента. Домаќинското управување со општите добра подразбира постојана грижа за се што е направено, што е и наша примарна цел“, ја пренесува општината изјавата на градоначалникот на општина Василево Славе Андонов
Дел од денешните работни активности на ЈПКД„Турија“ во Радичево е и расчистувањето на дивата депонија. Во врска со ваквата активност градоначалникот Андонов упатува апел до сите граѓани да се воздржуваат од неконтролираното фрлање смет и загадување на животната средина, бидејќи на тој начин ја штитат природата и својата најблиска околина, а истовремено овозможуваат средствата кои би биле употребени за отстранување на дивите депонии да се наменат за активности и проекти од кои сите тие ќе имаат полза.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
