Почнаа изведбените работи за реализација на улицата од Радичево до црвата „Св. Илија“ со што ќе се реши еден од главните проблеми на жителите во ова населено место во Општина Василево. Механизација на фирмата „Бони Интерградба“ работи на расчистување на трасата која ќе биде тампонирана но и и асфалтирана наредниот период и истата треба да биде готова во рок од 6 месеци.
Станува збор за улица која го поврзува селото со црквата и гробиштата во должина од 327 метри а ќе биде широка три метри. На истата е биде поставени околу илјада метри квадратни асфалт. Таа се реализра во соработка со Центарот за развој на Југоисточниот плански регион (ЦРЈИПР) во вредност од 2 196 616 денари.
,,Со асфалтирањето на оваа улица ќе се реши проблемот на граѓаните од Радичево кои се соочуваа повеќе години со лош пристап до селската црква и гробиштата. Тао беше наше ветување и веќе го реализираме. Целата улица ќе биде асфалтирана. Наредниот период ќе започнеме со изградба на улица во Чанаклија која води кон Католичката црква и улица во населеното место Седларци,, објави градоначалникот на Василево Славе Андонов.
Одводнувањето, според информација од изведувачот ќе биде решено со риголи со што ќе се заштити асфалтот како и околните површини од неконтролираното излевање на водата во случај на обилни врнежи.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
