Согласно поптишаниот договор, до крајот на месец јануари или почетокот на февруари треба да заврши реконструкцијата на фудбалското игралиште во Пирава во општина Валандово. Временскиот рок зависи и од временските услови. Од таа причина деновиве интензивно се работи на реконструкцијата на игралиштето каде се гради и придружен објект во површина од околу 80 квадратни метри наменет како соблекувална за екипите кои ќе се натпреваруваат или спортуваат на игралиштето.
Целиот проект го реализира економскиот оператор Пешо Инженеринг од Струмица кој во конкуренција на четри фирми на распишаниот тендер достави најниска цена. Во август годинава Општина Валандово со ова фирма го склучи договорот во вредност од 67 илјади евра за реконструкција на игрлиштетот а времетраењето на договорот е 150 денови .
Градоначалникот на Валандово Перо Костадинов деновиве објави дека веднаш до фудбалското игралиште во Пирава, преку Агенцијата за млади и спорт ќе се гради и фитнес зона која ќе биде на располагање на сите граѓани од ова населено место
,,Пирава добива нова зона за спортско рекреативни содржини и нов простор за физичка активност и спортување. Заедно со реконструкцијата на фудбалскиот комплекс, значајно се подобруваат условите и можностите за спортски активности на децата и младите во населеното место, како наша примарна цел,, објави градоначалникот на Валандово Перо Костадинов
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
