Во рок од 7 месеци треба да биде реконструиран противпожарниот дом во Радовиш, откако периодов почнаа градежните работи за реконструкција и адаптација на овој објект каде е сместена противпожарната служба на општина Радовиш. Градежните работи ги изведува фирмата Атриум од Вевчани која го доби тендерот во вредност од 10 милиони и 196 илјади денари или за 165 илјади евра. Ова фирма достави најниска цена на распишаната јавна набавка на која конкурираа вкупно седум фирми.
Средствата за реализација на овој проект како што не информираше Ѓоко Камчев се обезбедени од Центарот за развој на Југоисточниот плански регион и Општина Радовиш а јавната набавка ја реализираше Центарот при што минатиот месец беше склучен договорот и изведувачот воведен во работа.
Согласно техничката документација до која дојде Дрнка.МК, целосно треба да се реконструира објектот при што треба да се отстрани кровната конструција, таванскиот простор, дотраените врати и прозорци, дел од ѕидовите од внатрешниот простор. При што ќе постави нов кров од сендвич панел како на објектот така и на гаражата, нов под и столарија.
Како што стои во документацијата, предвидено е и партерно уредување при што ќе биде сменет надворешнниот и внатрешниот водовод при што ќе се монтира и противпожарен водовод со хидранти, млазници. Објектот ќе иам и нова електроинасталациона мрежа, инсталации за греење и ладење. (В.Трајков )
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
