Организациониот одбор на Струмичкиот карневал размислува да ги зголеми стиумлациите и наградите за карневалистите но и да се разграничи вреднувањето на групните маски кои доаѓаат од граѓански здруженија и институции т.е. училиштата. Вака денеска одговорија на прес конференцијата Љупка Галаска Василев и Катерина Палифрова на новинарското прашање на Дрнка МК дали размислуваат во иднина да го кореиграат Правилникот за доделување награди.
,,Понекогаш имаме да кажеме нелојална конкуренција во некои категории. Едно е граѓанските здруженија кои работат на еден начит и си имаат финансиски средства, училиштата односно државните институции работа на друг начин, работат со друго финансирање и други ресурси – ограничени. Во иднина размислуваме и може да се воведе посебна категорија за да посебно се вреднуваат сите овие маски“, кажа Љупка Галазка Василев
„Во секој случај размислуваме на зголемување на сумата за стиумалциите. Како поранешен карневалист знам колку се залагааат карневалистите. Ќе се заложиме и наградите да бидат поголеми. Но за сите овие одлуки ќе имаме консултација со сите карневалисти “ се надоврза Катерина Палифрова
Денеска организациониот одбор на Струмичкиот карневал ги прогласи најдобрите маски во сите категории. Наградените може да се прочитат ТУКА (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
