Општина Струмица со измените на Деталниот урбаниситчки план за централното градско подрачје планира подигање Музеј на струмичкиот плоштад. Истиот би бил на површина од околу илјада метри квадратни кај Саат кулата, јарболите со знамињата на ЕУ но и Градскиот дисплеј. Според предложените измени кои треба да поминат на јавна анкета и дебата, градежната парцела би била на плоштадот вдолж предната страна на дворот СОУ Јане Сандански. Предлогот да се оформи градежна парцела за Музеј на плошатдот наиде на остри критики кај еко активистите од коалицијата ,,Стига е,, кои сметаат дека не треба да се узурпира плоштадот и да се ,,скрие“ зеленилото од дворот на гимназијата
,, Не е во ред да се подига Музеј на тој потег. На плоштадот му недостасува зеленило. Евентуално подигање на објект од 9 метри автоматски тоа значи стеснување на просторот на плоштадот но и затворање на погледот кон училиштето и дворното место. Од било каков матријал да е овој културен објект, местото не треба да му биде таму. Треба да се размислува да се уреди плоштадот а не да се узурпира,, реагираа активистите Ѓорѓи Танушев и Стојан Велков-Трн од коалицијата Стига е
Проектантското биро, измените на ДУП за централнтоо градско подрачје оформување на градежна парцела за музеј на плоштадот го објасни како заокружување на една целина. Според планерот Томе Тимов секој плоштад е опкружен со објекти кои се во функција на поголема раздвиженост и посета
,, Плоштадот не треба да биде место само за поминување туку за задржување. Овој објект е планиран бидејки ќе го заокружи целиот тој простор. Тука се Центарот за култура, градската галерија одспротива се комерцијални објекти и сето тоа ќе предизвика поголема раздвиженост на овој дел од градот кој ќе служи и за одржување на настани,, рече Тимов
Од Секторот за урбанизам конкретизираа дека тоа е предлог за оформување на градежна парцела на плоштадот за изградба на културен објект. Може допрва да се дебатира од какво матријал би се градел. Според неа таму би бил и сместен инфо центарот за град Струмица каде посетителите би се информирале за сите позначајни културни и историски места во општина Струмица.
Според измените на ДУП за централнтоо градско подрачје се планира дислокација на фонтаните на плоштадот зад споменикот Гоце Делчев и подигање на нови со јавни зелени површини. Меѓу пораншена СОК Банка и Стоковна куќа се планира изградба деловен објект а на 50 тина метри од плоштадотнад градската галерија стамбена зграда и катна гаража.
Струмичани до 27 мај ќе треба да ги кажат своите забелешки за новите измени на ДУП за центарот на градот по што истите ќе одат на разгледување дали ќе се прифатат или не. Советот на општина Струмица е последниот филтер дали предлог измените ќе добијат зелено светло со што се отвора можност на плоштадот во Струмица да се подигне Музеј
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
