Општина Струмица ја почна постапката за избор на нов Карневалски одбор кој ќе биде задолжен за организација и спроведување на Струмичкиот карневал откако досегашниот беше разрешен на седница на Совет. Денеска во Младинскиот центар се одржа јавна расправа на која се разговараше за формата, критериумите и поставеноста на новиот одбор. Беше предложено бројот на членови на карневалскиот одбор да се зголеми – од досегашните 9 на максимум 20 – и одборот да се организира во три тела: административно, креативно и логистичко.
,,Предложено е да имаме еден Карневалски одбор за кој бројката од сегашните 9 би ја зголемиле на не повеќе од 20 членови. Во самиот Карневалски одбор ќе има административно тело, креативно тело и тело за логистика и досегашните институции, како Општина Струмица, СВР Струмица, а како предлог произлезе и претставници од Музејот и од Центарот за култура, да имаат членови на новиот Карневалски одбор, што за мнозинството од денешната средба беше прифатливо,, изјави по средбата градоначалникот Костадинов.
На првата јавна расправа присуствуваа граѓани, членови на карневалски групи, претставници на институции и градоначалникот на Струмица, Костадин Костадинов кој кажа дека бил дадени многу креативни решенија и било договорено да има уште една јавна дебата за да до крајот на месецот биде објавен Јавниот повик а на средината од индиот месец Советот го избере новиот оргнаизационен одбор на Струмичкиот карневал.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
