Деновиве како што објавија од радовишкото комунално претпријатие ,,Плаваја” зачестила појавата на палење на отпадот во контејнерите со фрлање на жешка пепел и жар. Ова прептријатие на својата официјална страна, објави повеќе фотографии од запалениот отпад, со кои како што велат од ,,Плајава” се оштетуваат и металните контејнери наменети за складирање на отпадот.
,,Запалениот отпад ги оштетува контејнерите и шири непријатна миризба и глетка. Чадот најчесто содржи штетни материи по здравјето на луѓето, кои се шираат во околината на запалениот контејнер, а се вдишуваат. Со палењето на контејнерите не се нанесува штета само на претпријатието, туку најголема штета е директното загадување на животната средина и амбиенталниот воздух во околината на запалениот контејнер,, стои во објавата на ЈП ,,Плаваја” од Радовиш каде постојано интервенираат екипи на радовишката пожарна да ги гаснат запалениот отпад во контејнерите.
Од ова Јавно претпријатие, апелираа да не се фрла жар и пепел во контејнерите. Побараа и од радовишани кои ќе забележат лица кои фрлаат жешка пепел, жар или на било кој начин го палат отпадот во контејнерите да ги фотографираат и испратат до ова комунално, по што ЈП Плаваја ќе покрене постапка за санкционирање на несовесните граѓани.
фото: ЈП Плаваја
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
