Се нормализираат вредностите со манган во водата за пиење во Струмица. Ова го покажале последните испитувања направени од ЈПКД Комуналец кои се движат во рамките на дозволените граници според Правилникот за безбедност на водата. Утрово се измерени 0,0017 грама на литар вода што е дозолено како питка вода вели градоначалникот на Струмица Костадин Костадинов. Тој потенцираше дека ќе се почекат и анализите од контролите од Агенцијата за храна и ветеринарство како и од Институтот за јавно здравје пред да се даде дозвола за користење на водата од водоснабдителниот систем кој беше забранет околу три недели.
,, Сум оптимист дека после две или три последователни контроли и анализи од институциите и акредитирани лабаратории дека ќе добиеме решение од Агенцијата за храна и ветеринарство дека водата во Срумица и неколкуте населени места може да се користи како питка вода. Анализите ни покажуваат дека во филтер станицата во Комуналец имаме питка вода но не смееме да ја одобриме се додека институциите не дадат решение,, кажа градоначалникот на Струмица Костадин Костадинов
Костадинов паралелно побара да бидат објавени анализите од ипитувања на водата во брана Турија од каде со вода се снабдуваат општините Струмица и Василево. Според него мора да се знае квалитетот на водата во брана Турија за да се работи на одредени решенија во иднина за да не се случуваат несакани работи.
Пред три недели поради зголемени количини на манган во сировата вода од Брана Турија, филтер станицата на ЈП Комуналец во Струмица не беше во можност да ја обработи по што следеше забрана за користење на водата за пиење. Комуналец почна со дистрибуција на вода со канистри по улиците и шестте населени места.
Освен во Струмица забрана има и во Општина Василево која исто така вода добива од брана Турија.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
