НУ Завод и Музеј Струмица отпочна со реализација на проектот Конзервација и реставрација на подните мозаици на домусот од римскиот период на локалитетот Стакина Чешма во Валандово. Како што објавија од ова установа, домусот потекнува од доцниот 3 или раниот 4 век од нашата ера а истражувањата на Стакиа шечма се започнати од 1972 година. Досега се откриени 10 простории со површина од околу 500 м². Скоро сите простории се со мозаични подови во техника opus tessellatum, opus sectile и opus tesellatum.
,, Фокусот на работата е насочен кон подниот мозаик во Просторија бр. 2 чијашто декорација е изведена во различен тип на мозаик, opus tessellatum и opus sectile што го прават овој мозаик мошне интересен за работа, но поради затекнатата состојба и предизвикувачки за стручниот тим. По изработката на потребната дескриптивна, техничка и фотодокументација, конзерваторскиот тим во моментот работи на механичко чистење на мозаичката површина и отстранување на останатата нечистотија и калцинацијата од истата. По стабилизирањето на мозаикот со процес на консолидација како и опшивање и китирање на лакуните ќе следува делумно односно парцијално подигање на мозаичката површина со цел нивелација на мозаичката подлога и повторно враќање на слојот од тесери,, стои во објавата од Завод и музеј Струмица
Конзерваторскиот тим е предводен од Томе Филов, конзерватор за мозаик од НУ Стоби и Ване П.Секулов археолог советник од НУ Завод и Музеј Струмица а тимот го сочинуваат седум млади професионалци од седум ралични држави, специјализирани за работа на мозаици. Проектот е финасиран со средства од Годишната програма за финансирање проекти од национален интерес на Министерството за култура и туризам на Република Македонија.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
