Јавното обвинителството од Струмица истражува како се случила смртта кај новороденчето во струмичко Баница, откако неговата мајка 19 годишна девојка во неделата била примена во болница со обилно крварење. Бебето било пронајдено во септичка јама, а родителите во струмичката болница тврделе дека не станува збор за породување што било сомнително за дежурниот гинеколог кој случајот го пријави во полицијата која веднаш излегла на терен.
,,При прегледот на домот на повеќе места биле пронајдени докази, кои укажуваат дека имало породување. Направен е увид од полициски службеници и јавен обвинител и пронајдено е починато тело на новороденче,, информираа од полицијата.
Доктор Митко Киров кој во неделата бил дежурен тврди дека девојката дома било нестручно породена и обилно крварела и во таква состојба била донесена на гинекологија
– Изговорот беше дека имала однос со дечкото и затоа крвари. Меѓутоа, при прегледот утврдив дека се работи за породување. Имаше доста обилно крварење, пацинтката беше скоро искраварена и шокирана. Под итно се направи ревизија тука на одделението, крварењето се смири. Најверојатно имала помош за време на раѓањето, нестручно е водено, со повеќе расцепи, рече доктор Киров, според кого, сега здраствената состојба на девојката од баница се стабилизира .
По наредба на Јавен обвинител мртвото тело на бебето е предадено на обдукција. Земени се примероци од крв за анализа од мајката и нејзините најблиски но и партнерот. По насоки на јавниот обвинител, се преземаат мерки за расчистување на случајот по што ке се знае против кого ќе биде понесен обвинителен акт.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
