Ковид модуларната болница во Гевгелија која почна да работи на почетокот на ова година од вчера е затворена откако последниве денови не се регистрирани нови позитивни на ковид-19 не само во ова општина туку и во соседните Богданци и Дојран. Директорот на Општа болница во Гевгелија Митко Крџев вели дека полека се враќа нормалниот режим на работа во сите болнички одделенија и доколку се појават нови позитивни ќе треба да се јавуваат кај своите матични лекари
,, Заболените со лесна клиничка слика ќе бидат на домашно лекување под надзор на матичните лекари а пациентите со средни и потешки клиничка слика ќе се препраќаат на понатамошно опесервирање и лекување во регионалните ковид центри”, рече директорот Крџев
Во Гевгелија се водат 24 активни случаи на ковид-19 претежно со полесни сиптоми. Од почетокот на пандемијата во ова општина, од овој вирус заболеле 2190 лица а 71 починале. Во околните општини според податоците на Институтот за јавно здравне има само тројца позитивни и тоа во Богданци а во општина Дојран веќе подолг период не се регистрирани нови позитивни.
Инаку досега во гевгелискиот вакцинален пункт досега се вакцинираа вкупно 1650 граѓани од кои околу 1000 лица со кинеската ,,синофарм’’ а останатите над 70 годишна возраст со ,,Астрезенека’’
Како што соопшти директорот Крџев, во Гевгелија ќе се врши ревакцинација на сите граѓани кои првата доза ја примиле во тамошниот вакцинален пункт додека останатите кои се вакцинирале во Кавадарци, Струмица или Скопје ќе мора на истото место во закажаниот термин да ја примат втората доза.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
