Започна поставување на асфалтен слој на локалниот пат патен правец од Зубово со патот на Ново Село – Мокриево со кој значително ќе се олесни комуникацијата на жителите од овој дел на општина Ново Село но и полесен пристап до обработливите површини. Асфалтирањето се одвиваше во текот на целиот ден а ќе се работи и во текот на утрешниот ден (Среда, 28.04.21) . Според информациите од општина Ново Село по асфалтирањето на овој патен правец преостанува изработка на банкини и завршни активности до комплетирање на проектот.
,,Асфалтирањето е дел од активностите на проектот „Изградба на локален пат Зубово – спој со пат Ново Село – Мокриево“, проектот кој се реализира од страна на Центарот за развој на Југоисточниот плански регион во партнерство со Општина Ново Село. Истиот беше детектиран како потреба на жителите од подбеласичкиот регион но и од жителите на Зубово. Со асфалтирањето на ова делница се отвора можност и за интензивирање на локалниот економски развој,, ни изјави градоначалникот Никола Андонов
Проектот е финансиран преку Програмата за финансиска поддршка на руралниот развој за 2018 година од страна на Агенцијата за финансиска поддршка во земјоделството и руралниот развој и од Буџетот на Општина Ново Село.
Вкупната финансиска конструкција на проектот изнесува 4.709.732,82 денари, од кои 3.991.299,00 денари се обезбедени од Агенцијата за финансиска поддршка во земјоделството и руралниот развој, а 718.433,82 денари се обезбедени од Буџетот на Општина Ново Село.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
