Деновиве почна да се асфалтира делница од седум километри од постоечкиот патен правец од планината Плачковица кон Радовиш кој е во лоша кондиција. Станува збор за пат изграден во далечната 1979 година а пред две години се интервенираше со асфалт од шумската барака кон градот во должина од 3 километри. Сега почна да се асфалтира во продолжение, кон Радовиш при што ќе останат за реализација уште 7,5 километри не информираше градоначалниот Герасим Конзулов. Тој заедно со претседателот на Советот на општина Радовиш Коле Чаракчиев беа на терен на увид на градежните активности на ова делница.
,, Станува збор за делница од 7 километри кон Радовиш а целиот проект се реализира со Државни патишта со средства обезбедени од Министерството за транспорт и врски. До 10 јуни очекуваме да се заврши ова делница а веќе идната година, според најавите од ЈП Државни патишта и директорот Зоран Китанов, целосно да го заокружиме овој патен правец кој ќе го олесни пристапот до убавините на Плачковица ’’ ни изјави градоначалникот на Радовиш Конзулов
Делницата која се асфалтира е во широчина од 5 метри а дебелината на асфалтниот слој 6 саниметри. Почна да се работи од вчера и ќе продолжи и во наредните денови. Заради асфалтирањето можни се времени прекини во сообраќајот во периодот од 9 до 17 часот. Конзулов смета дека овој пат ќе овозможи и побрз развој на туризмот на Плачковица која има огромни потенцијали
,, Сметам дека овој пат ќе придонесе и можност за патно поврзување со општините Штип и Карбинци. Од каде што почнавме да асфалтираме сега со градоначалниците на овие две општини се договоривме до крајот на идната година да изградиме пат до летувалиштето кое се наоѓа на штипска страна во општина Карбинци. Паралелно ние како општина добивме проект од АФПРЗ од хотелот Бел камен до месноста ,,Добра’’ каде се планира кампинг простор. Се на се, асфалтирањето на овој пат отвора огромни перспективи,, ни изјави Конзулов
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
