Општина Босилово најави дека од недела па секој викенд во Домот на културата во Босилово ќе има кино проекции на македонски филмови. Започнуваат со легендарниот филм на Столе Попов „Циганска Магија“ или „Gipsy Magic“, во кој играат Мики Манојловиќ, Тони Михајловски, Катина Иванова, Арна Шијак и други.
Филмот ќе биде прикажан во недела на 10 ти ноември во 18 часот за што салата ќе биде затоплена а влезот за лубителите на филмската уметност бесплатен.
,,Работиме на тоа, да го вратиме киното во Босилово. Разгледуваме можности за монтажа на платно, итн. Салата ќе биде затоплена. Влезот е слободен!,, објави градоначалникот Ристо Манчев
„Gipsy Magic“е филм кој носи една романтична приказна на едно ромско или циганско семејство . Централниот лик е трговецот и собирач на половни тули Таип, кој го игра Мики Манојловиќ. Наспроти него е неговата сопруга Ремзија која ја игра Катина Иванова. Од самиот почеток е јасно дека желбата на Таип да го однесе своето семејство во Индија е имагинарен жар и како таков е нереален сон. Токму таму, со својата визуелна топлина и драматична сила, филмот допира со својата чувствителност и неоспорна реалност. Како придонес кон ова чувство ја додаваме невообичаено функционалната музичка позадина на Влатко Стефановски.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
