“Разликите нè прават уникатни, а прифаќањето нè прави посилни.“
,,Да создадеме свет каде сите деца се видени и слушнати,,
,,Секоја личност со својата уникатност внесува светлина и инспирација во животите на другите“
,,Секое дете заслужува шанса да блесне,,
Ова се дел од пораките кои ќе бидат упатени од деветото издание на манифестацијата „Убави сме, свои сме“ што ја организира Здружението за поддршка и помош на лица со Даунов синдром Вера од Струмица. Настанот ќе се одржи утревечер во големата сала на ресторанот Ројал Парк. Деца со попречености од повеќе градови од земјава ќе бидат дел од овој традиционален настан на кој ќе продефилираат како манекени во придружба на познати личности.
,,Учесниците на ова модна ревија ќе бидат облечени во гардероба на познати модни куќи и бутици и ќе биде пренесена пораката дека секој е убав на свој начин. Со ова сакаме да упатиме порака до сите дека секоја различност има своја убавина,, велат од здружението Вера
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
