Децата на „Академија Нови Таленти“ генерација 2014 та кои го освоија меѓународниот фудбалски турнир „Анталија Пријателство КУП 2024“ во Турција денеска беа примени од градоначалникот на Василево Славе Андонов. Станува збор за фудбалски клуб кој го користи теренот во општинскиот центар Василево и ја има поддршката од Општина Василево во реализацијата на нивните активности.
Меѓудругото екипата предводена од Оливер Христов и Миле Митев кои немаа пораз во Турција и прокнижаа шест победи го развиорија и знамето на Општина Василево на турнирот каде бе големо изненадување. Посебно се истакнаа младите таленти Матеј Атанасов, Максим Тренчев и Димитриј Јорданов кои беа енигма за противничките тимови.
,,Секој ден се повеќе се гордеам со тоа што сум градоначалник на општина Василево, што имаме такви млади спортисти кој гордо го веат знамето на општина Василево борејќи се до последен здив! Секогаш ќе ја имате мојата поддршка, сите ние да бидеме горди на нашите амбасадори.,, објави градоначалникот Славе Андонов
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
