Сезонскиот грип ги испразни градинките во Струмица. Последниве денови речиси е преполовен бројот на децата кои се згрижени во двете јавни општински установи „Детска Радост“ и „Виножито“. Дури 490 деца отсуствуваат од двете градинки каде се запишани околу 1230 дечиња
Во клоновите на градинката ЈОУДГ ,,Детска радост“ отсуствуваат околу 45 одсто од вкупно запишаните 830 дечиња или околу 390 дечиња овие денови не доаѓаат на градинка. Во ЈОУГД ,,Виножито“ Струмица не е толку алармантна состојбата. Таму 25 одсто од запишаните 400 дечиња се отсутни. Најголемиот дел од отсуствата според информациите од двете градинки е заради сезонскиот грип.
Децата се најчести пациенти и кај матичните лекари но и во Службата за итна медицинска помош во Струмица. Најчести сиптоми на грипот е зголемена телесна температура, малаксаност, кашлица и најдобро е ваквите случаи да се изолираат за да не се шири ова респираторно заболување.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
