Седум вечери култура и три музика. Ова е накусо програмата на Струмица Опен Фест кој стартува вечерва со настапот на ,,Фолклорна низа“ во амфитеатарот во Струмица и ќе трае се до 13 август. Здружението Културен забавен Живот – КЗЖ ја објави програмата на сите активности што се планирани на оваа 14 то издание на фестивалот финансиран од Општина Струмица.
Првите седум вечери ќе бидат културни настани. Ќе има фолклор, поезија, книжевни работилници, театарски претстави, афоризми, читања на отворено и ретроспектива на старите времиња, со што ќе се поттикне широка културна разноликост и интеркултурен дијалог беше кажано на прес конференцијата од страна на организаторите. Овие настани се закажани овој месец и ќе се одржуваат на езерцето, паркот, амфитеатарот и пред општината.
Последните три фестивалски вечери ќе бидат музички. Ќе настапат Летната школа за гитара под менторство на професор Васко Пиличев кои заедно со You for you вечерта на 11 ти август ќе ја посветат на Џоко Ѓеоргиев Следниот ден концерт ќе има Анастасија и Никола, Битолски камерен оркестар со проектот MTV и Тамара Тодевска додека на 13 ти август настап ке имаат Каролина Гочева, Ана и девојките и The ringtones.
,,Сето ова е посветено на промоцијата на македонските уметници и култура.Особено е важно да потенцираме дека на фестивалот ќе учествуваат само македонски изведувачи, со што ја нагласуваме важноста од афирмирање на домашната сцена и култура.Оваа иницијатива е повеќе од фестивал – тоа е платформа за емоции, насмевки и културни наслади. Ги каниме сите да ни се придружат и да бидат дел од овој богат мозаик на емоции што го носи Струмица Опен Фестивал 2025“кажа на прес конференцијата Елена Маѓеровска Паликарова заменик градоначалник и член на Советот на општина Струмица.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
