Министерот за здравство Венко Филипче уште еднаш ги повика граѓаните строго да ја почитуваат препораката „Седете дома!“ за да можат да учествуваат во забавување на ширењето на коронавирусот. На тој начин така ќе се заштитат себе си и блиските околу себе но и здравствените работници кои се најизложени на ризик од зараза.
,, Најбитно да се спречи локалната трансмисија. Презедовме мерки, ги дополнивме, ќе преземаме и понатаму се што треба, се со цел да застанеме на патот на ширењето на инфекцијата. Oстанете дома, не се собирајте, не се групирајте, излегувајте само ако имате некоја итност, ограничете го движењето, не контактирајте многу со луѓето, не се задржувајте во маркетите, држете дистанца таму каде што има повеќе луѓе, задолжително одржувајте лична хигиена, често миење на рацете 20-30 секунди. Од сите нас зависи, од сите поединци, компании, институции, максимално сериозно мора да пристапиме на ова прашање. Ова не е шега. Единствениот начин е сите ние да се однесуваме одговорно’’, апелираше министерот за здравство Венко Филипче.
Попладнево коронавирусот беше потврден кај уште нови пет лица од кои а двајца лекари и две медицински сестри од Дебар . Заразените медицински лица работат во приватна амбуланта сместена во болницата во Дебар. Со ова, бројката на заболени со коронавирус во земјата се искачи на 31 лице.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
