За новонастанатата состојба во ЈП Паркиралиша каде се вработени околу 25 лица и немаат добиено плата за јули, се огласи и СДСМ Струмица кој изгрази загриженост и го повика првиот човек на општината Костадин Костадинов итно да најде решение за да се нормализирааат работите во ова јавно претпријатие.
,,ОО СДСМ со политиките во минатото е препознатлив по ажурноста и редовното сервисирање на обврските кон јавните претпријатија, па затоа ИТНО АПЕЛИРАМЕ, градоначалникот Костадинов веднаш да изнајде решение и веднаш да го исплати долгот кон ЈП Паркиралишта Струмица, за вработените да можат да ги добијат своите заостанати плати и да фунционираат во нормални услови. Општина Струмица е симбол на ефикасност и почитување на работничките права, затоа нема да дозволиме да се руши кредибилитетот кој е граден години наназад.,, стои во соопштението од ОО СДСМ Струмица
На известувањето на СДСМ Струмица реагираше градоначалникот Костадин Костадинов на ФБ. Тој го повика СДСМ да не се занимава со него бидејки на локалните избори не е противкандидат на кандидатот на СДСМ.
,,Јас не сум противкандидат на овие избори и тоа јавно го кажав. Затоа би било добро Општинската организација на СДСМ и кандидатот да престанат да се занимаваат со мене. Завршната сметка, како и секоја година, се гласа по завршувањето на фискалната година и е на увид и за советниците и за јавноста. Недозволиво е повеќе од една деценија претседател на Совет да не ја види завршната сметка и да дозволува панични и избрзани реакции. Но, на крај простено им е и ги разбирам. До овој момент, кон ЈП „Паркиралишта Струмица“ се исплатени 114.999.645 денари, што е јасен показател за редовното подмирување на обврските на Општината кон претпријатието,,
Инаку градоначалникот Костадинов во изјава за Дрнка МК кажа дека вчера пуштиле пари и како локална самоуправата тука се за да излезат во пресрет на менаџментот а посебно на вработените во ЈП Паркиралишта.
Синдикатот на ЈП Паркиралишта се закани дека ако до петок не ја добијат јулската плата и не се одблокира сметката на претпријатието ќе стапат во генерален штрајк. проблемот настана откако Паркиралишта н навремено не ги сервисираше догловите кон фирми кои работеа на Новогодишно украсување на Струмица но и на реконструкција на јавното осветлување на старата чаршија, на ул. Сандо Масев и надвозникот кај Општина Струмица. (В.Т)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
