Владеачката СДСМ попладнево ги објави кандидатите за градоначалници во општините Струмица, Радовиш и Гевгелија со што ги комплетираш своите адути за општините од Југоистокот.Во Струмица како што соопшти генералниот секретар Љупчо Николовски во трката за градоначалничката функција на престојните Локални избори влегува со Костадин Костадинов, во Радовиш со Коле Чаракчиев додека во Гевгелија со актуелниот Сашо Поцков
Костадин Костадинов своевремено беше ВД Градоначалник на Струмица а во моментов е актуелен пратеник и портпарол на СДСМ. За градоначалничката функција своја кандидатура поднесе и актуелниот градоначалник Коста Јаневски. И во Радовиш актуелниот градоначалник Герасим Конзулов нема да трча за втор мандат иако и тој имаше поднесено кандидатура. Таму за првата локална функција ќе трча актуелниот пратеник Коле Чаракчиев кој пред пратеничката функција беше претседател на Советот на општина Радовиш.
Во Гевгелија, СДСМ на престојните избори за градоначалник оди со актуелниот прв човек на ова општина Сашо Поцков.
,,Сите овие кандидати кои денеска ги објавуваме, како и досега објавените, се дел од најдобрата понуда на СДСМ. Кандидати од народот за народот, блиски до граѓаните, одговорни, чесни, посветени, почитувани во своите средини,, рече генералниот секретар на СДСМ Николовски
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
