Струмичките социјалдемократи со соопштение до јавноста реагираат на селективноста на Владата предводена од ВМРО ДПМНЕ за согласностите за вработување во двете детски градинки во Струмица. Како што наведуваат во соопштението во 7 градови, Владата дала 170 согласности а во Струмица ниту едно, со што градинките се доведени во незавидна состојба. Еве што стои во соопштението:
Почитувани,
Родители и сограѓани
Со несовесната и селективната политика на Владата, сите дечиња од градинките во Струмица “Детска Радост“ и “Виножито“ свесно, се ставаат во подредена состојба, заради инаетот кој го тера ВМРО-ДПМНЕ со Струмица, секогаш кога се на централна власт, позната веќе слика и приказна, но овојпат со АПСОЛУТНА НЕГРИЖА кон децата, а со тоа и покажување целосна апатија и кон родителите.
Замислете, откако се власт во државата МАКСИМАЛНО ја игнорираат Струмица по сите основи, па дури и за најмилите и најмалите, каде што политиката не треба да помисли, а уште помалку да вмешува прсти, па дојдено е до следната ситуација.
Струмичките градинки се ставени пред целосен КОЛАПС, заради политиката РАЗДЕЛИ па ВЛАДЕЈ, со што во последниот бран СОГЛАСНОСТИ за вработувања низ градинките во МАКЕДОНИЈА, единствен град кој добива 0 (нула) согласности, е Струмица, а во меѓувреме дел од градовите кои добија согласности се:
ТЕТОВО – 70 (НОВИ ВРАБОТУВАЊА)
КАВАДАРЦИ – 18 (НОВИ ВРАБОТУВАЊА)
ГЕВГЕЛИЈА – 3 (НОВИ ВРАБОТУВАЊА)
ГОСТИВАР – 10 (НОВИ ВРАБОТУВАЊА)
ПРИЛЕП – 32 (НОВИ ВРАБОТУВАЊА)
БИТОЛА – 20 (НОВИ ВРАБОТУВАЊА)
АЕРОДРОМ – 16 (НОВИ ВРАБОТУВАЊА)
За да биде парадоксот поголем, дел од Советниците на ВМРО-ДПМНЕ во Струмица, свесни за АЛАРМАНТАТА состојба, се ставија во позиција на медијатори, па ќе “овозможија“ вработувања во градинките низ Струмица со прекин на овој БОЈКОТИРАЧКИ однос на Владата кон Струмица, за што ден денес немаме решение!!
Колку за илустрација, добро е да се знае дека 10 вработени во градинката “Детска Радост“ го завршиле својот работен однос, по основ пензионирање, што значи дека работно место е веќе вкалкулирано во Буџетот, но инаетот кој го тера Владата со Струмица, забега до таму да ниту тие места моментално не ги овозможуваат за пополнување и непречено работење.
Градинката “Виножито“ има поднесено 6 (шест) барања за вработување, замислите, само 6(шест) и иако истите се влезени во финасискиот план, одговор НЕМА!!
Се прашуваме, која цена треба да ја платат дечињата и родителите за вашиот РАЗУМ да преовладее, дека одговорноста за тие деца ја имаат оние кои треба да се грижат за нив, а ВИЕ не овозможувате НИКОЈ да се грижи за нив!?
Ви порачуваме да го спречите овој ХАОС кој вие го умислено го креирате, пред да биде ДОЦНА!
Уписот на дечиња во градинките е ставен под голем прашалник, за оние кои треба од септември да ги запишат своите дечиња, затоа ДОЗВОЛЕТЕ НЕПРЕЧЕНО ДА ФУНКЦИОНИРААТ, како што тоа го дозволувате во ТЕТОВО, БИТОЛА, КИСЕЛА ВОДА, ГОСТИВАР, КАВАДАРЦИ итн.
Ако имате за ПАПАЈА, ОКТОПОДИ, МАНГО, ќе најдете и за СТРУМИЧКИТЕ ДЕЧИЊА!!!
ОО СДСМ СТРУМИЦА
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
