Струмичанката Љубица Аврамовска веќе 14 години е згрижувач на деца без родители во СОС Детско село и зад себе израснала и на вистинскиот животен пат насочила 19 деца без родители а во моментов се грижи за друи 4, објави дигиталната платформа СДК во подкастот ,,За секого по нешто“. Биолошка мајка е на син и ќерка кои се веќе семејни луѓе и од нив има внуци. Тврди дека децата се нејзиниот живот па со сопругот и мајка и се префрлува од Струмица во Скопје и во контуинитет се грижи за деца кои останале без родители или пак немаат родителска грижа.
,,Децата се богатство и дури сега ја сфаќам суштината на многудетното семејство. Во моментов се грижам за Ајас, Аликан, Чичек и Саваш кои се на возраст од 8 до 12 години. Претходно се имам грижено за други 19 кои веќе се возрасни. Знаете ли какво е чуството кога се среќаваме, па ќе те прегрнат и ќе ти кажат тетка Бубе, мајче, моја Љубица. Какво е чувството кога за празници ќе ти се јават. Постојано ми пишуваат. Скоро имав роденден и први знааш кој ми се јавија и ми пратија пораки – деца за кои сум се грижела. Сите деца заслужуваат топол дом,, раскажува Љубица за во подкастот на СДК која сака да се пензионира со вкупно 25 згрижени и одгледани децабез родителска грижа.
Видеото односно подкастот може да го гледате ТУКА
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
