Секторот за внатрешни работи Струмица кој го покрива Југоисточниот регион и сите десет општини од овој дел на државата Струмица, Радовиш, Конче, Василево, Босилово, Ново Село, Валандово, Богданци, Дојран и Гевгелија упатува апел до сопствениците на угостителски објекти и сопствениците на маркети строго да ги почитуват прецизно утврдените протоколи за нивната работа донесени од Владата на Република Севрена Македонија, истовремено апелираме до сите граѓани да ги почитуваат одлуките на Владата за забрана на движењето и Уредбата со законска сила за задолжително носење на лична заштита на лицето, со единствена цел заштита и превенција од ширењето на Коронавирусот COVID-19.
Во претстојниот период од страна на полициските службеници ќе бидат интензивирани контролите како самостојно така и во координација со Државниот пазарен инспекторат.
Сите оние кои ги прекршуваат дадените препораки, ќе бидат санкционирани согласно член 205 и 206 од Кривичниот законик, доколку пак се утврди дека сторената активност има елементи на прекршок ќе биде поднесена соодветна прекршочна пријава против сторителот/те.
Граѓаните, можат да ги пријавуваат сите случаеви на лица кои ги прекршуваат одредбите на бесплатниот телефонски број 192.
фото МИА
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
