Три лица се уапсени, а над 100 килограми марихуана се запленети во голема полициска акција во Струмица, потврди министерот за внатрешни работи Панче Тошковски. Според него акцијата е резултат на темелна истрага и координација на струмичката полиција, а во неа биле разбиени организирани криминални структури поврзани со меѓународен канал за трговија со дрога коај беше разбиена вчера попладне.
„ СВР Струмица разби меѓународен канал за трговија со дрога и заплени 100 килограми марихуана наменета за надвор од Македонија. Македонските граѓани можат да видат дека државата темелно се бори против нелегалната трговија со наркотици. Информиран сум од началникот на СВР Струмица дека ќе даде предлог за наградување на полицајците, а јас ќе прифатам и соодветно ќе ги наградиме. Тие покажаа исклучителна професионалност и храброст во една операција која наликуваше на сцени од филм – токму такво беше и апсењето на криминалците што ја транспортираа дрогата “, изјави министерот за внатрешни работи Панче Тошковски.
Возилото во кое се превезувала дрогата било лоцирано и блокирано на влез во Струмица, а при претресот било откриено дека целата количина била уредно спакувана за меѓународен транспорт. Против приведените лица ќе биде покрената кривична постапка за неовластено производство и промет со наркотични дроги.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
