СВР Струмица до надлежните Основни јавни обвинителства од Југоистокот, вчера поднесе кривични пријави против 36 лица, кои во претходниот период ја прекршиле забраната за движење во определен временски период како што наложи Владата. Како што стои во нивната информација пријави се поднесени против 27 лица до Основното јавно обвинителство Струмица и против 9 лица до Основното јавно обвинителство во Гевгелија.
,,На 02.04.2020 година до надлежните обвинителства се поднесени 35 кривични пријави против 36 лица, кои во претходниот период ја прекршиле забраната за движење, од кои 26 пријави против 27 лица се поднесени до Основното јавно обвинителство Струмица и девет пријави против девет лица до Основното јавно обвинителство Гевгелија’’, стои во информацијата од СВР Струмица
Од таму информираат дека за време на последниот полициски час ноќта помеѓу 2 и 3 април 4 лица биле затекнати надвор од своите домови односно ja прекршиле забраната. Станува збор за лица сите од Гевгелија кои се приведени.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
