Како малолетна манекенка и фото модел во рекламни спотови, сега е вистински професионален шофер и тоа на камион кипер кој натоварен тежи и до 30 тони. Сашка Каралијска Јовчева од Струмица според многумина има машка професија во која одлично се снаоѓа, За неа нема машка женска професија. Според неа ако се има желба, љубов, храброст се успеава. Работи во струмичка градежна компанија. Со камионот кипер разнесува но и растовара чакал, сепариран песок, земја за потребите на градежната оператива.
,, Ако се има љубов и желба ќе се успее. Идентично како и во сите други професии. Овде е потребна само поголема храброст и упорност за да се носиш во таканаречениот машки свет, се разбира доколку ја имаш потребната возачка и вештини. Сите се изненадени кога ме гледат но да, моето работно место е возач на тешко товарно возило – кипер,, вели 47 годишната Сашка Каралијска Јовчева која е од Куклиш а мажена во Струмица.
Сашка Каралијска Јовчева за струмичани е позната од ТВ екраните. Како средношколка беше модел и заштитно лице на неколку компании. Како модел и манекенка научи да јава коњи но и да се искачува по карпи. Иако и таа професија и се допаѓала но некако не се гледала наспроти возилата. Научила до вози и автомобил и трактор со приколка а веднаш потоа и полагала
,, Тоа беше еден дел од мојот живот. Беше интересно не велам не, но љубовта кон ,,шоферлкот“ не застана. После таа фаза од животот се посветив на ова професија и еве неколку години сум професионален возач на тешки моторни возила. Сум возела и обични камиони и шлепери и ладилници но сега киперот ми е предизвик за што упатувам голема благодарност до колегите кои ми помагаат бидејки да не се лажеме не знам многу сама да се снајдам при менување гума,, вели Сашка која има и две деца
Според неа досега во Македонија не сретнала возач на кипер но знае дека има жени кои возат тешки товарни возила. Во Струмица вели има девојка која вози шлепер. Таа апелираше до младите девојки ако имаат љубов и желба да не се двоумат оти како што кажа ,,шоферлкот“ не е само машка професија ( В.Трајков /фото Дрнка.МК )
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
