Струмичанецот Сашко Митев пред извесен период ја промовираше новата песна со видео запис насловена како ,,Ергенски живот’’ зад која стои како комплетен автор. Станува збор за негова втора песна, откако на почетокот на ова година излезе неговото првенче ,,Подгорија’’. Како што вели Митев песната е посветен на еден убав период од животот кога сите млади ноќите ги претворале во ден.
,,Песната ја посветив за еден убав период од мојот живот, за младоста, за момите, кафеаните, серенадите со гитарите, период од животот што кај секого од нас буди убави спомени и ги разнежнува нашите срца. Се надевам дека песната ќе и се допадне на публиката и барем за миг секој ќе се пронајде во неа’’ вели Митев
Песната е снимена е во Sity Sound – Скопје а за видео записот биле ангажирани момците од LUMA – Струмица. Статисти членови на Ансамбл “Тримери” од Струмица како и другари на Митев. Во реализацијата на аудио и видео записот учествуваат, Хармоника – Марјан Богоевски, Виолина – Кирил Митановски, Гитари – Марјан Јованов, Тамбура – Златко Димитриоски, ударни Дарко Младеновски.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
