Новоизбраниот прв човек на Југоисточниот плански регион Андон Сарамандов кажа дека во неговиот мандат како Претседател на Совеотот, ќе се заложи да се работат квалитетни и издржани регионални проекти, од кој интерес ќе имат граѓаните од руралните и урбаните средини.
,,Предност да им се даде на регионалните проекти кои се издржани и се квалитетни на подолг рок. Значи потребни ни се трајни решенија за подобар и поквалитетен живот и во руралните и во градските средини. На крајот, на сите нас како членови во Советот на Југоисточен плански регион, обврска ни е во наредниот период да направиме овој дел од државата да биде најпривлечен и за инвестиции и за живот,, кажа Сарамандов
Мандатот на Сарамандов како Претседател на Советот на градоначалници на Југоисточниот плански регион е 12 месеци. Советот има за цел да ја носи Програмата за развој на планскиот регион, да утврдува годишна листа на предлог-проекти за развој на планскиот регион, да доставува предлози до Бирото за регионален развој за идентификување на подрачјата со специфични развојни потреби во рамките на планскиот регион, иницира разгледување на прашања поврзани со регионалниот развој за кои е неопходна координација меѓу единиците на локалната самоуправа и партнери од приватниот и граѓанскиот сектор и ја промовира прекуграничната соработка со региони од други земји врз основа на заедничките интереси
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
