Жулиета Ѓуркова е разрешена бидејки градоначалниците од Југоистокот биле на став дека по 14 години раководење добро е да ја наследи ново лице кое би додало нова енергија во работењето на Центарот за развој на Југоисточниот плански регион со цел навремено остварување на програмата на планскиот регио и акциониот пла за нејзино спроведување. Ова е одговорот на гевгелискиот градоначалник Андон Сарамандов откако на седница во Ново Село Советот на градоначалници со 8 гласа за ја разрешија Ѓуркова од функцијата директор на Центарот. Како што вели Сарамандов ставот на градоначалниците бил на почетокот на секој мандат да се избира нов директор
,, Одлуката за избор на нов директор на Центарот за развој Југоисточниот плански регион беше донесена едногласно од страна на членовите на истиот. Во изминатиот период по направените разговори со градочалниците од Центарот за развој на Југоисточен плански регион, утврдивме директор да се бира на почеток на мандатите на градоначалниците од регионот. Досегашната директорка Жулиета Ѓуркова е на оваа функција 14 години и нашиот став е дека добро е да ја наследи ново лице кое би додало нова енергија во работењето на Центарот за развој на Југоисточниот плански регион со цел навремено остварување на програмата на планскиот регион и акциониот план за нејзино спроведување,, стои во писмениот одговор на Сарамандов на прашањето зошто е разрешена Ѓуркова
Првиот човек на Советот на 10 те градоначалници од Југоисточниот плански регион Сарамандов, соопшти дека Ѓуркова останува на раководна позиција во Центарот и градоначалниците се убедени дека нејзиното искуство ќе биде од особено значење во понатамошното работење на ова институција.
На седницата во Босилово била донесена Одлука да се распише Јавен оглас за избор на нов директор место за кое се спомнува име на поранешен пратеник од Југоистокот а дотогаш со Центарот за развој на Југоисточниот плански регион да раководи Јован Коцев од позиција на ВД директор.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
