„Самун ем татлија “ во Радовиш ќе има. Според проталот Радовиш њус оваа манифестација се планира на 14, 15 и 16 ноември за што веќе се објавија и фотографиии од координативен состанок на првиот човек на општина Радовиш Љупче Почивалец со дел од угостителите од оваа општина кои спремаат подготвуваат самуни.
„Одржан координативен состанок на Градоначалникот Љупче Почивалец со угостителите кои ќе учествуваат со свои штандови на овогодишната манифестација „Самун ем Татлија“ која е предвидена за 14, 15 и 16 Ноември 2025 година.“, стои во објавата на Radovisnews на својата ФБ страна.
На веб страната на општина Радовиш денеска е објавен Јавен повик за доставување предлог програми за реализација на манифестацијата „Самун ем татлија 2025“. Јавниот повик доаѓа по измената на годишната програма за активности од областа на кулутрата за 2025 и бара предлог програмите да прецизираат период и локација на одржување, музичко – сценскаа програма, начин на организација на гастрономскиот дел со угостителските објети, маркетинг план и финансиска конструкција.
Во јавноста веќе се шпекулираат можните имиња во делот на музичката програма. Неофицијално се преговара да настапат 2Бона, Бресквица, Тања Савиќ, Наташа Беквалац но и други музички имиња од македонската естрада.
Пред изборите Канал 77 објави дека традиционалната манифестација „Самун ем Татлија 2025“ нема да се одржи по што ескпресно реагираше тогаш секретарот на општината и кандидатот за градоначалник од ВМРО ДПМНЕ Љупче Почивалец кој кажа дека по завршување на изборите ќе се организира оваа манифестација. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
