Манифестацијата ,,Самун ем Татлија“ во Радовиш која редовно се одржува во есенските месеци, годинава нема да се одржи, објави Канал 77. Одлуката била донесена од страна на Советот на Општина Радовиш на предлог на градоначалникот Ацо Ристов. Во изјавата за оваа радио, првиот човек на Радовиш смета дека неорганизирањето на ова манифестација е поради трагедијата во Кочани а во Буџетот биле планирани пари за оваа намена
„Оваа година средствата решивме да се искористат за Радовишко културно лето и чествување на св. Спасо Радовишки. Воедно, во годината кога цела држава е завиена во црно од настанот во Кочани, несоодветно е ние по плоштадите масовно се веселиме, па така решивме да се покаже почит. Ова е само за оваа година, догодина очекувам да се нормализираат работите“, изјави Ристов за Канал 77 кој ги отфрли и наодите дека наводно буџетот на Општина Радовиш бил празен.
„Буџетот на Општина Радовиш никогаш не бил пополн од сега“ кажал Ристов за Канал 77 . Целата сторија може да ја прочитате ТУКА
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
