Поранешниот вокал на бендот Легато – Катерина Ристова се врати од Питсбург Пенсилванија од САД и влезе во студиото на Љупчо Соколовски во Скопје за да сними песна. Станува збор за песна за која музика, текст и аранжман се на Далибор Ѓошиќ а во песната свој дел имаат и членовите на бендот ,,Млади Агушеви’’. Кате ни потврди дека снима ов сингл, но не сакаше многу да открива детали за каква песна станува збор и како ќе се вика, но како што дознаваме таа ќе биде весела со брз ритам
,, Во Македонија сум четири дена и се фатив за работа. Како што кажав и порано не се откажувам од пеењето и за моите фанови веќе снимам песна која се надевам дека ќе биде доста слушана и ќе наиде на добар прием кај публиката. Точно е дека песната е на Далибор Ѓошиќ и се снима во ,,Сити студио Бубе’’ на Љупчо Соколовски која за кусо време ќе биде промовирана пред публиката,, ни изјави Кате која речиси една година беше во САД каде стана мајка и на свет го донесе малиот Ристе.
Катерина Ристов долго време беше вокал на Легато Бенд но како што од поодамна изјави таа заради оддалеченоста и семејните обврски таа ќе гради соло кариера бидејки патиштата им се разделија со членовите на ова музичка група откако таа се пресели во Америка. Кате е омажена со Васко Митев од Радовиш со кого живеат во Питсбург Пенсилванија во САД
Кате најави дека за периодот додека ќе биде во Македонија ќе сними уште неколку други песни како увертира на нејзината соло кариера иако најголемиот дел од времето го посветува на синот Ристе
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
