Самир Патрон и Бранко Караколев го исчистија отворениот канал низ кој треба да се влева вода од ХС Ѓавато во Дојранското езеро а на кој работеа речиси месец дена, објави СДК. Откако го исчистија горниот дел од каналот и ја искосија тревата околу него, тие денеска ангажираа и мини багерче за да ги исчистат последните метри од бетонскиот канал. Според двајцата невработени жители на Нов Дојран, тој дел бил обраснат со многу трева а во коритото насобрана многу кал, чакал и друг отпад и било невозможно рачно да се работи на потегот каде се влева водата во езерото.
,,Багерчето планиравме да го платиме од наши пари или од средствата што ги донираа граѓаните на сметката која ја отворија за оваа намена. Но се јави Агим Мехмети од Стар Дојран и тој реши да го покрие овој трошок. Неможевме сами, бидејки тешко беше со голи раце да се работи на овој потег. Сега конечно го исчистивме целиот канал. Можеби околу 20 тина тракторски приколици отпад изнесовме од каналот изграден пред 20 тина година. Утре општина Дојран ќе пушти трактор со приколка да го собере растителниот отпад“, ни кажа 33 годишниот Самир Патрон
Двајцата граѓански активисти кои станаа хит на социјалните мрежи, упатија благодарност до сите кои помогнале во нивната мисија при што најавија дека сега ќе почнат да го чистат и каналот од Топлец. Најмногу се заблагодарија на Злата Ајцева од Калдрма која од почетокот на потфатот ги подржува.
,,Горди сме што го исчистивме каналот и што конечно заличи овој предел. Навистина беше запуштен и обраснат со трева целиот канал а сега може да биде и место за рекреација онака како што било кога се изгради“, вели Самир
Самир Патрон и Бранко Караколев одлучија да го чистат каналот откако беше најавено дека ќе почне да функционира ХС Ѓавато за да го полни Дојранското езеро. Лани во ноември кога беа активирани три пумпи од бунарското подрачје кај Богданци после неколку години застој, дел од водата кај отворениот канал почнала да се излева во околните ниви.
Тоа било причината што доброволно и на своја иницијатива со лопати, вили и моторни пили Сами и Бранко пристапија да го чистат отворениот канал долг околу 500 метри .(В.Трајков)
Во меѓувреме отворена е и жиро сметка за донации за сите кои сакат да помогнат на Самир и Бранко во нивната мисија. Со нивна согласност отворена сметка за да бидат поддржани бидејќи и двајцата се невработени.
300007123000260 Комерцијална банка
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
