Членовите на Ротари клубот од Струмица ја имаа својата годишна Реторијанска забава и Донаторска вечер на која се собираа парични средства кои ќе бидат насочени кон проект кој ќе ги подобри условите во заедницата. Впрочем оваа е втора по ред Донаторска вечер со што членовите упатуваат порака до сите граѓани дека нештата зависат од самите нас и со наш влог може да направиме големи промени во заедницата.
,, Не чекај направи, придонеси“ – ова е нашето реторијанско мото со кое сакаме да потикнеме размислување кај сите граѓани дека и ние сме дел од заедницата и можеме малку да ги подобриме условите во кои живееме. Ако се собереме повеќе резултатите ќе бидат поголеми и повидливи“, кажа Горан Динов претседател на Ротари клубот од Струмица
На Реторијанската забава и Донаторска вечер во Струмица присуствуваа различен профил на граѓани кои сакаат да придонесат,да посветат време енергија и парични средства за реализација на проекти кои се потребни во заедницата. Имено Ротари клубот неодана потпиша Меморандум за соработка со Општина Струмица а лани донираа опрема на Детското одделение во Струмица но имаа и превентивно предавање за машкото здравје. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
