Регионален центар за одржлив развој од Гевгелија ќе го спроведува проектот „Биди дел од системот!“ кој е финансиран од Европската Унија во рамките на проектот „Техничка поддршка за подобрување на овозможувачката средина за граѓанските организации во Република Северна Македонија“. Целта на проектот е да се зајакне улогата на граѓанскиот сектор во промоција на човековите права, развојот на демократијата и владеење на правото преку промоција на Законот за бесплатна правна помош.
Проектот ќе се реализира во следните 8 месеци а за цел има да се развијат капацитетите на граѓанските организации и јавни институции во Општина Гевгелија за Законот за бесплатна правна помош но и да се подигне свеста и имплементацијата на овој закон .Целна групи на проектот се сите ранливи категории групи на граѓани кои ги третира Законот за бесплатна правна помош и подрачното одделение за правда чија улога е спроведување на Законот за бесплатна правна помош.
РЦОР ќе организира обуки за преставници на грашансктие организации и јавните институции за да учесниците стекнат знаења и вештини како да ги застапуваат човековите права во согласност со националното законодавство. Преку организирањето на средби, граѓаните ќе се запознаат со Законот за бесплатна правна помош, начинот како да пристапот според овој закон и бенефитот што можат да го имаат од неговата примена. Паралелно ќе се врши мониторинг на Законот како се имплементира во Гевгелија но и ќе се промовира со цел да се информираат граѓаните дека имаат право на бесплатна правна помош
Од РЦОР Гевгелија со реализацијата на овој проект очекуваат да се постигнат следниве резултати односно да се зајакнат капацитети на НВОи и институции кои работат на прашања за човекови права; да бидат дадени препораки за работата на подрачните одделенија за правда при примена на Законот за бесплатна правна помош; гевгеличани да се информираат за постоење на Законот за бесплатна правна помош со посебен акцент на ранливите групи но и да се воспостави комуникација и соработка со Центрите за социјална работа, подрачните одделенија за правда, овластени адвокати, овластени здруженија за давање на бесплатна правна помош, правните клиники, Националното координативно тело за примена на Законот за бесплатна правна помош, Народен правобранител и Комисија за заштита од дискриминација.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
