Мегуопштинската соработка е важна и таа носи бенефити како за општините така и за граѓаните. Посебно е важна за малите рурални општини бидејки тие најчесто немаат ни кадар ни многу пари а со закон имаат надлежности. Вака подвлече првиот човек на Василево Славе Андонов на панел дискусијата на тема „Меѓуопштинската соработка како механизам за премостување на предизвиците при испорака на локалните услуги“. Тој ја престави меѓуопштинската соработка со Босилово и Ново Село модел кој функционира со години бидејки надлежностите на општините бараат и стручен кадар како урбанисти, градежни инспектори, даночни експерти, кој не секоја општина го има, посебно малите руралните
„Сè уште постои перцепција дека соработката значи губење на автономија, наместо нејзино зајакнување. Но практиката покажува спротивно. Како конкретен пример би го посочил градежниот инспектор кој функционира како дел од МОС помеѓу Василево и Босилово. Како што добро знаат и колегите градоначалници, денес на ниво на државата постои изразен дефицит на стручен кадар, особено во делот на градежната инспекција. Токму во такви услови, моделот на меѓуопштинска соработка што го воспоставивме уште во 2005 година денес се покажува како исправна одлука. “, кажа Андонов
Градоначалникот го презентираше успешниот Модел што го воспоставија во 2005 година меѓу Василево, Босилово и Ново Село, ни донесе поддршка од УНДП, беше препознаен од Советот на Европа како пример за добра практика. Кога имате стабилен систем на соработка, донаторите полесно одлучуваат да вложат.
„Донаторските програми преферираат проекти со поголем опфат, со регионално влијание и со повеќе партнери. Кога руралните општини настапуваат заедно, стануваат повидливи и поконкурентни. Исто така се зголемува можноста за поголеми и посложени проекти. Многу проекти – водоводи, отпад, енергетска ефикасност, патишта – имаат регионален карактер. Руралните општини одделно ретко можат да ги финансираат, но преку заедничко учество шансите се многу поголеми“, кажа Славе Андонов
На панел дискусијата на тема „Меѓуопштинската соработка како механизам за премостување на предизвиците при испорака на локалните услуги“ зборуваа и Ане Лашковска, заменик министер, Министерство за животна средина и просторно планирање, Елизабета Чуповска, државен секретар, Министерство за одбрана, Тодор Ефремов, секретар на Општина Кавадарци и Трајче Здравков, директор на Центар за развој на источен плански.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
