Со цел да се намалат последиците , Рурална коалиција спроведува кампања која е насочена за подигнување на свеста кај земјоделците за климатските промени. Според нив сушата, високите температури, поројните дождови, мразот но и другите временски период негативно влијаат врз земјоделското производство заради што ќе мора мора да се едуцираат фармерите за примена на нови современи мерки
,, Секоја деценија обемот на земјоделското производство се намалува за 6 % на светско ниво, што значи дека за секои 10 години ние имаме помали количини храна. Важиме за земјоделска земја но последниве неколку години сведоци сме и на намаленото земјоделско производство, како и намален квалитет на земјоделските производи. Од таа причина со климатска акција сакаме да укажеме како да се превенира но и да се заштити од климатските промени,, изјави Лилјана Јоноски која смета дека и самите фармери ќе мора да придонесат кон намалување стакленичките гасови кои со процесот на производство ги создаваат
Во рамките на климатската акција Рурална коалиција освен со фармерите едукативни работилници одржува и меѓу младите кои во иднина ќе бидат директните учесници во земјоделското производство. Беа во посета на СОУ Димитар Влахов меѓу средношколците и ги едуцираа за штетноста на климатските промени, како да дејствуваат за да не доаѓа до загадување на животната средина ни и кои мерки да се превземаат со цел ца се спречат последиците.
Рурална коалиција ја презема ваквата акција за зајакнување на свеста за климатските промени во земјоделското производство, преку споделување на информативен материјал и кратки едукативни сесии на терен, каде што се обидува преку споделување на паметни земјоделски климатски практики да го мотивира локалното население, пред се земјоделците, да започнат самите да преземаат активности и мерки коишто ќе придонесат кон ублажување на ефектите од климатските промени.
Проектот Климатска акција за климатските промени во земјоделството, Рурална коалиција го спроведува со финансиска поддршка од Фондацијата Отворено општество – Македонија. Овој проект ќе трае до декември ова година а досега се посетени над 30 тина рурални средини кои се сметаат за производствени земјоделски региони во земјава каде 45 одсто од површините се обработливи .
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
